Protestuesit të mbledhur në sheshin "Skënderbej" pas ndërhyrjes së policisë

Protesta kombëtare në Tiranë vazhdon, me shumicën e protestuesve të mbledhur në sheshin "Skënderbej", ku qytetarët qëndrojnë së bashku pas largimit nga zona e Kryeministrisë. Një pjesë e protestuesve ka nisur të rikthehet drejt bulevardit "Deshmorët e Kombit", aty ku më herët u regjistruan përplasjet me forcat e rendit.

Pak më parë, policia përdori sasi të medha gazi lëshues dhe ujë me presion për shpërndarjen e turmës së mbledhur pranë Kryeministrisë. Ndërhyrja e policisë bëri që protestuesit të largoheshin në disa drejtime, përfshirë rrugën "Myslym Shyri" dhe zonat e sheshit "Skënderbej".

Në të njëjtin kohë, forcat speciale RENEA u pozicionuan pranë godinës së Kryeministrisë. Pavarësisht shpërndarjes së mëparshme, protestuesit po vijojnë të qëndrojnë në terren, ndërsa rikthimi i një pjesë të tyre drejt bulevardit tregon se tubimi nuk është ndërprerë.

Studentët dhe qytetarët që u janë bashkuar në protestën kombëtare vijojnë të kërkojnë dorëheqjen e kryeministrit Edi Rama, duke refuzuar ftesat e tij për dialog.