Aktualitet
TENSIONI MES PROTESTUESVE PARA KRYEMINISTRISË
Tensioni mes protestuesve u regjistrua para Kryeministrisë, pasi njëri prej tyre u akuzua si "patronazhist" dhe qëndroi i shtrirë te shkallët e godinës.
Protestuesit mbërritën para Kryeministrisë dhe një moment tensioni u regjistrua pasi njëri prej tyre u akuzua si "patronazhist". Ai kishte kërkuar dialog dhe për këtë arsye u akuzua nga protestues të tjerë. Ai qëndroi për disa minuta i shtrirë në tokë, ndërsa mbulonte fytyrën me duar për të shmangur filmimin. Më pas, protestuesit e larguan dhe e çuan në shkallët e Kryeministrisë, ku ai vijoi të qëndronte i shtrirë përmbys. Në fund, dy efektivë policie ndërhynë dhe e morën nga shkallët, e shoqëruan drejt ambulancës.