Incidenti në Tiranë: një i ri rrezikon shikimin pas një goditjeje në sy gjatë protestës

Një incident i rëndë është ndodhur në Tiranë, ku një i ri 28-vjeçar është goditur në sy gjatë një proteste. I ri është transportuar në spital në gjendje të renduar shëndetësore dhe mjekët po kryejnë një ndërhyrje kirurgjikale për të trajtuar dëmitimin e pesuar.

Sipas burimeve spitalore, dëmitimi në sy është serioz dhe 28-vjeçari rrezikon të humbasë shikimin. Operacioni vijon dhe ende nuk ka informacion zyrtar për rezultatin e ndërhyrjes apo pasojat që dëmitimi mund të ketë në shikimin e tij.

Rrethanat në të cilat 28-vjeçari është lënduar gjatë protestës nuk janë sqaruar ende zyrtarisht. Ndërkohë, sipas bilancit paraprak të Ministrisë së Shëndetësisë dhe Mirëqenies Sociale, 13 persona kanë kërkuar ndihmë mjekësore pas incidenteve të regjistruara gjatë protestës në Tiranë.

Mes tyre janë tetë protestues, tre efektivë policie dhe dy përfaqësues të medias. Nga këta, nëntë persona janë paraqitur në Spitalin Universitar të Traumes, dy në Qendrën Spitalore Universitare “Nënë Tereza” dhe dy efektivë policie janë trajtuar në Poliklinikën e Specialiteteve Nr. 2 në Tiranë.

Sipas njoftimit paraprak, katër protestues vijonin të merrnin trajtim në Spitalin e Traumes, ndërsa nëntë personat e tjerë ishin larguar nga strukturat shëndetësore pasi kishin marrë ndihmë nevojshme.

Vëmendja mbetet e gjendja shëndetësore e 28-vjeçarit, për të cilin pritet informacion i mëtejshëm pas përfundimit të ndërhyrjes kirurgjikale.