Kryeministri francez dyshohet se ka planifikuar bllokimin e rrjeteve sociale gjatë protestave

Kryeministri francez, Sébastien Lecornu, dyshohet se ka kërkuar ndërprerjen e aksesit në rrjetet sociale TikTok, Instagram, Snapchat dhe X në rast se situata gjatë protestave do të kërkonte një masë të tillë. Lajmi është publikuar nga media investigative franceze Blast, e cila pretendon se disponon letrën e kryeministrit drejtuar operatorëve, si dhe procesverbalet e takimit të zhvilluar më pas. Kërkesa parashikonte përgatitjen e procedurave teknike për pezullimin e aksesit në platformat sociale për disa orë gjatë fundjavës së 24 dhe 25 tetorit. Operatorët thuhet se kanë shprehur rezerva lidhur me këtë kërkesë. Zbulimi vjen një ditë pasi qeveria franceze njoftoi forcimin e bashkëpunimit me platformat digjitale, në kuadrin e masave para mobilizimeve. Më 23 tetor, sipas njoftimit të Matignon, ishin raportuar mbi 100 llogari dhe përmblodhje në internet, ndërsa rreth gjysma e rasteve kishin përfunduar me pezullimin e llogarive. Çështja ka ngritur pyetje edhe për ligjshmërinë e një ndërhyrjeje të tillë. Në vitin 2024, qeveria franceze bllokoi TikTok-un në Kaledoninë e Re, por Këshilli i Shtetit shpalli më vonë masën të paligjshme, për shkak se nuk përmbushte kushtet e rrepta të domosdoshmërisë dhe proporcionalitetit.