"Dhunojnë dhe bëjnë terror në qytet", thotë Ina Zhupa: Arrestuar edhe një fotoreporter amerikan

Deputetja e Partisë Demokratike, Ina Zhupa, ka shprehur shqetësimin për mënyrën se si po trajtohen protestuesit dhe personat që dokumentojnë zhvillimet në terren. Ajo ka thënë se policia ka ushtruar dhunë ndaj qytetarëve dhe ka bërë të ditur se mes personave të arrestuar ndodhet edhe një fotoreporter amerikan, Michael Moates.

Zhupa ka ngritur alarm për situatën dhe ka thënë se policia është duke bërë terror në qytet. Ajo ka thënë se bashkë me kolegun e saj, Besart Xhaferri, është në komisariatin 2, ku ndër të tjerët është arrestuar edhe një fotoreporter amerikan. Zhupa ka thënë se fotoreporterët janë duke bërë "krimin" që rregjistron barbaritë e policisë.