"Kush e do atdheun derdh gjakun për një agim që s’do ta shohë kurrë" - Reagimi prekës i këngëtares Jonida Maliqi pas dhunës brutale në protestë
Këngëtarja Jonida Maliqi ka shpërndarë një mesazh mjaft prekës dhe me ngarkesë të fortë emocionale, duke dedikuar sakrificën e të riut protestues që u lëndua rëndë në sy gjatë protestës në Tiranë.
Këngëtarja e njohur Jonida Maliqi i është bashkuar reagimeve të shumta publike pas ngjarjes së ndodhur gjatë protestës dje në Tiranë, ku një i ri u lëndua rëndë në sy nga një plumb gome. Përmes një postimi të shpërndarë në rrjetet sociale, këngëtarja ka risjellë një mesazh mjaft prekës dhe me ngarkesë të fortë emocionale, të dedikuar sakrificës së të riut protestues. "Kush e do atdheun derdh gjakun për një agim që s’do ta shohë kurrë. Ai fali njërin sy, që brezat pas tij ta shohin dritën me të dy." Maliqi ka shoqëruar postimin me një mesazh solidarizimi: "Me zjarr ju flas… me zjarr. Në gjirin tim kam hapur varr… Që t’i jap shpresë edhe t’ja marr… Dedikuar sakrificës së të riut dje në protestë! Urojmë të jetë tragjedia e fundit!"