Vonesa në kufi, pritje deri në 3 orë për të votuar në Serbi

Vonesa në kufi, pritje deri në 3 orë për të votuar në Serbi Situata e rënduar është regjistruar në pikat e kalimit kufitar mes Kosovës dhe Serbisë, ku qytetarët nga veriu i Kosovës po udhëtojnë drejt territorit serb për të marrë pjesë në votim. Radha e gjatë e automjeteve dhe pritjet që zgjason me orë janë regjistruar në pikat e kalimit kufitar.

Sipas Qendrës Kombëtare për Menaxhim Kufitar, edhe në vendkalimet tjera janë regjistruar vonesa, me pritje prej 30 deri në 40 minutash në hyrje dhe deri në dy orë në dalje. Ndërkohë, fluksi i qytetarëve është ndier edhe në Rashkë të Serbisë, ku votojnë qytetarë që vijnë nga veriu i Kosovës.

Sipas raportimeve të mediave lokale, pranë vendvotimit janë krijuar grumbullime të medha njerëzish, duke shkaktuar rremujë gjatë procesit. Në gjysmëorëshin e pare pas hapjes së vendvotimit, dy gra raportohet se kanë humbur ndjenjat.

Lëvizja e shtuar e qytetarëve drejt Serbisë ka ndikuar në krijimin e kolonave të gjata në kufi, ndërsa votuesit po përballen me pritje të konsiderueshme për të mbërritur në vendvotime.