Sali Berisha: Taulant Balla është një kriminel që meriton vetëm një përgjigje, burgun

Sali Berisha ka thënë se Taulant Balla është një kriminel, të garantoj. Shumë më kriminel se Suel Çela, se Elvis Doçi, se Altin Hajri dhe se shumë të tjerë. Taulant Balla, i dashur mik, me dëshmi, me procesverbale zyrtare rezulton i regjistruar me numrin e tij, nga regjistruesit me urdhër gjykate se ka porositur vrasjen e avokatit Ravik Gurra. Taulant Balla është më kriminel se secili prej atyre që përmend, sepse bashkë me Vath Staken, anëtar i KLP-së sot, kanë liruar me urdhër të Suel Çelës dy terroristë që i vendosën tritolin nën shalën Lulzim Kullës në Shkodër. Taulant Balla është më kriminel se ata, më trafikant edhe se vete Mond Bego, i cili si toger i Aldo Bares ka bërë nën 17-18 vjet burg, një trafikant madhor droge. Taulant Balla ka shërbyer si korrier duke përdorur pasaportën diplomatike, i ka shërbyer atij në 57 kalime kufiri për të kaluar ngarkesat e drogës si valixhe diplomatike. A ju kujtohet ju kur shkoi dhe liroi Rraren nga komisariati i policisë, sadist që kishte djegur me cigare vajzën? A i keni harruar regjistrimet ku Bajrami shprehen në telefon se 'me Taulantin i kemi rregulluar punët'? Ky është Taulant Balla. Është më kriminel se këta, por mbrohet nga SKAP-i i partisë. Ai meriton vetëm një përgjigje: burgun, burgun dhe vetëm burgun për krimet që ka kryer, dhe i garantoj shqiptarët se atje do shkojë.