TENSIONET PARA KRYEMINISTRESË: Policia rinis shoqërimin e protestuesve, qytetarët përpiqen t’i ndalojnë!

Situata është tensionuar sërish përpara Kryeministrisë në Tiranë, ku forcat e Policisë shtetërore kanë rinisur shoqërimin e protestuesve, në ditën e 13-të të revoltës studentore kundër qeverisë së Edi Ramës. Ndërhyrja e efektivëve të FNSH ka shkaktuar reagimin e qytetarëve të pranishëm, të cilët janë përpjekur të pengojnë shoqërimin e protestuesve nga forcat e rendit. Gjatë përplasjeve, efektivët e policisë kanë përdorur masivisht spraj djegës për të larguar qytetarët që kundërshtonin ndërhyrjen e tyre.