Zgjedhjet në Serbi: Pjesëmarrja rekord dhe tensionet në qendrat e votimit

Ne Serbi, zgjedhjet parlamentare kanë mbyllur me një pjesëmarrje rekord, rreth 67% të votuesve kanë votuar, sipas Komisionit Qendror të Zgjedhjeve. Pjesëmarrja e votuesve është më e lartë në histori të zgjedhjeve në Serbi. Në zgjedhjet e 15 parlamentare të Serbisë që prej vitit 1990, u raportuan disa incidente, duke përfshirë sulme ndaj gazetarëve, vëzhguesve dhe persona të maskuar që kërcënuan votuesit në Nish. Zyra e Prokurorit të Përgjithshëm në këtë qytet tha se nuk kishte gjetur asnjë provë për këto incidente. Organizata vëzhguese CRTA raportoi se në 25% të vendvotimeve të vëzhguara, u fotografua fletëa e votimit. Rivalet kryesor në zgjedhjet parlamentare për 250 vende të Kuvendit Serb ishin Aleksandër Vuçiç, që garon për postin e Kryeministrit nën shenjën e partisë së tij përparimtare serbe dhe Lista Studentore, e mbushur me kandidatë studentë, profesorë dhe intelektualë. Lista Studentore është një parti e formuar pas protestave 2 vjeçare në vend, si revoltë pas tragjedisë së 1 nëntorit 2024 në Novi Sad, ku humbën jetën 16 persona, më pas ajo u shndërrua në një subjekt që kërkon rrëzimin e Vuçiç nga pushteti dhe luftën ndaj korrupsionit në vend. Për herë të parë, edhe 8 partitë shqiptare të Luginës (Preshevës, Bujanocit dhe Medvegjës) garuan në një listë të përbashkët me emrin Koalicioni Shqiptarë dhe me numrin 17 në fletëvotim, me synimin për të marrë më shumë vende në parlamentin serb dhe një zë më të fuqishëm për respektimin e të drejtave të shqiptarëve dhe luftën politike për asimilimin e tyre. Sipas regjistrimit të popullsisë të vitit 2022, në Serbi jetojnë më shumë se 60.000 shqiptarë. Procesi i numerimit të votimit u vonua në disa zona pasi në disa qendra votimi, qytetaret vazhduan të votonin edhe pas orës 20 për shkak të parregullesive që ndërprerën procesin por edhe për shkak të radheve të gjata.