Trump komplimenton Nicki Minaj, drejtori i komunikimit e interviston për një post në Shtëpinë e Bardhë

Gjatë fjalimit të së dielës në Port Huron, Trump ndërpreu rrëfimin e tij për senatorin amerikan Jon Husted për të drejtuar këngëtarin, duke komentuar në mënyrë drejtpërdrejtë format e saj trupore.

"Meqë ra fjala, sapo pashë një palë të pasme të vërtet të bukura: Nicki Minaj. Është e vështirë të mos i vësh re", deklaroi Trump para të pranishmëve, para se të kërkonte reperes të ngrihej në këmbë.

Nicki Minaj iu përgjigj thirrjes, u ngrit dhe përsëndeti turmën, ndërsa komentet e presidentit u shoqëruan me reagime nga publiku. Pas këtij momenti, Trump shtoi: "Shpresoj që Nicki të mos jetë ndier e fyer, por ne e duam Nicki-n. Ajo ka qenë me ne prej kohësh".

Komenti i Trumpit erdhi tek ishte ai që po shpjegonte deklaratat e mëparshme për pamjen fizike të senatorit republikan Jon Husted, të cilat, sipas tij, ishin bërë me humor, duke iu referuar edhe së kaluarës së senatorit si sportist.

Nicki Minaj, krah Trump në tubimin politik

Reperja udhëtoi drejt Michiganit me avionin presidencial Air Force One dhe mori pjesë në tubimin e organizuar në mbështetje të kandidatëve republikanë për zgjedhjet e mesmandatit në SHBA.

Gjatë fjalës së saj, Minaj shprehu hapur përkrahjen për presidentin amerikan, duke udhëhequr turmën në thirrjet: "Ne e duam Trump-in!". Ajo u bëri gjithashtu thirrje të pranishmëve të mbështesin kandidatët republikanë.

Në përfundim, këngëtarja deklaroi se do të vazhdojë të qëndronte në krah të presidentit: "President Trump, është ndër të jem pranë jush çdo herë dhe do të vazhdoj t'ju mbështes përherë".

Trump e vlerësoi gjithashtu reperen, duke thënë se ajo nuk ishte dukur kurrë më bukur dhe duke e cilësuar si një person të vëçantë dhe të zgjuar.

Megjithatë, ishte komenti i tij për të pasmet e këngëtares ai që mori vëmendjen më të madhe në rrjetet sociale, duke e kthyer një moment të tubimit politik në një nga episodet më të komentuara të mbrëmjes.