Netanyahu i lutet Trumpin ta shpëtojë nga disfata në zgjedhjet në Izrael

Kryeministri i Izraelit, Benjamin Netanyahu, ka intensifikuar përpjekjet për të siguruar mbështetjen publike të presidentit amerikan, Donald Trump, në prag të zgjedhjeve parlamentare në Izrael. Sipas një raportimi të medias amerikane Axios, Netanyahu ka kërkuar Trump të shprehë më fuqishëm mbështetjen për kandidaturën e tij. Burimi amerikan ka deklaruar se Shtëpia e Bardhë interpreton këto përpjekje si një tregues të shqetësimit të Netanyahut për pozicionin e tij në sondazhet zgjedhore. Megjithatë, Neta Molcho, zëdhënëse e partisë Likud të Netanyahut, ka mohuar që kryeministri izraelit të ketë kërkuar Trump mbështetje për fushatën gjatë ditëve të fundit apo para deklaratës së mëparshme publike të presidentit amerikan. Sipas burimit amerikan të cituar nga Axios, Netanyahu ka biseduar dy herë me Trump brenda tri ditëve dhe i ka kërkuar të përsërisë mbështetjen që kishte shprehur më herët përmes platformës Truth Social. Burimi shton se kryeministri izraelit ka propozuar edhe formulime konkrete për deklaratat të tjera mbështetëse. Ndërkohë, sipas burimit izraelit, Netanyahu i ka sugjeruar Trump të zhvillojë biseda telefonike me gazetarët izraelitë për të shprehur publikisht qëndrimin e tij. Presidenti amerikan kishte deklaruar më parë, gjatë një interviste për televizionin Newsmax, se persona në Izrael i kishin kërkuar të ndërhynë publikisht në mbështetje të Netanyahut. Të dielën në mbrëmje, Trump publikoi një tjetër mesazh në Truth Social, ku mbështeti kryeministrin izraelit dhe u bëri thirrje qytetarëve të votonin për të, duke vënë në theks qëndrimin e tij ndaj Iranit. “Siç e dinë të gjithë, madje edhe kundërshtarët tanë, unë dhe Bibi kemi një marrëdhënie të shkëlqyer, sepse kemi fituar së bashku. Kur të shkoni në qendrat e votimit, ju lutem mbani mend se Bibi ka qenë një kryeministër i jashtëzakonshëm në kohën e luftës”, shkroi Trump. Presidenti amerikan shtoi se nuk duhet të dëgjohen më thirrjet kundër Shteteve të Bashkuara dhe Izraelit, ndërsa kërkonte vazhdimin e politikave që dy udhëheqësit kanë ndjekur së bashku. “Votoni Bibi Netanyahun për kryeministër. Duhet ta përfundojmë punën që kemi nisur”, deklaroi Trump. Mbështetja publike e presidentit amerikan vjen pas një periudhe gjatë së cilës ai kishte shmangur përfshirjen e drejtpërdrejtë në fushatën zgjedhorë izraelite. Në një deklaratë të mëparshme, Trump kishte lënë të kuptohej se humbja e Netanyahut mund të ndikonte në marrëdhënie mes Shteteve të Bashkuara dhe Izraelit.