CEO i Audi-t shpjegon pse doli përkrah Trump-it: E bëmë për interesat e kompanisë

Drejtori ekzekutiv i Audi-t, Gernot Döllner, ka mbrojtur vendimin për të u shfaqur përkrah presidentit amerikan Donald Trump, pas kritikave të forta që pasuan këtë veprim, përfshirë edhe kërkesat për dorëheqjen e tij nga punonjësit e kompanisë.

Sipas tij, pjesëmarrja në aktivitet u vendos ekskluzivisht në interes të kompanisë, megjithëse pranoi se konteksti politik i ngjarjes mund të krijonte përshtypjen e një mbështetjeje politike për Trump-in. Kreu i Audi-t theksoi se tregu amerikan ka rëndësi strategjike për kompaninë, por aktiviteti i saj atje aktualisht nuk është fitimprurës. Një fabrike prodhimi në SHBA do të ndihmonte në rritjen e konkurrueshmërisë, uljen e rrezikëve tregtare dhe valutore, si dhe shfrytëzimin e mundësive të reja të zgjerimit.