Trump emëzon një ish-zyrtare të Bidenit për të mbështetë planin e paqes në Gazën

Bordi i Paqes ka intensifikuar përpjekjet për të siguruar mbështetje dypartiake në Kongresin amerikan për planin e paqes në Gazën të presidentit Donald Trump. Në kuadër të kësaj strategjie, bordi ka emëruar në një post të lartë Shelley Greenspan, ish-zyrtare e administratës së Joe Bidenit, e cila do të angazhohet kryesisht në forcimin e marrëdhënieve me ligjvënësit demokratë.

Greenspan ka një përvojë të gjatë në administratat amerikane dhe në marrëdhëniet me komunitetin hebraik. Ajo ka punuar në ekipin kërkimor të fushatës presidenciale të Hillary Clintonit, në Komitetin Amerikano-Izraelit për Çështjet Publike (AIPAC), si dhe në kompani të medha teknologjike, përfshirë Amazon.

Gjithashtu, Greenspan ka mbajtur detyrë në Departamentin amerikan të Shtetit dhe në Këshillin e Sigurisë Kombëtare, ku është marrë me partneritetet ndërkombëtare. Në vitin 2022, administrata Biden e emëroi ndërlidhëse me komunitetin hebraik.

Në një deklaratë për The Jerusalem Post, Greenspan u shpreh se ndihej e nderuar që po i bashkohej Bordit të Paqes në këtë fazë të përpjekjeve diplomatike.

“Në Departamentin e Shtetit kam punuar për të çuar përpara vizionin e presidentit për paqe dhe prosperitet në Lindjen e Mesme. Kam parë se si plani 20-pikësh mund të sjellë rezultate konkrete për popullsinë e Gazës dhe të Izraelit. Pres me padurim ta vazhdoj këtë punë me Bordin”, deklaroi ajo.

Trump synon që plani për Gazën të mbijetojë përtej mandatit të tij. Sipas raportimit, administrata Trump dëshiron të shmanget mundësinë që Bordi i Paqes dhe plani për Gazën të mbeten iniciativa të lidhura vetëm me një administratë republikane. Për këtë arsye, Shtëpia e Bardhë po kërkon mbështetje edhe nga demokratët, me synimin që një administratë e ardhshme, përfshirë një president demokrat që mund të zgjidhet në vitin 2028, të vazhdojë zbatimin e planit.