Vandalët shpërfytyruan dhe vandalizuan sërish imazhin e Franco Baresit

Gazetari italian Carlo Pellegatti ka denoncuar dëmtimin e muralesit të legjendës së Milanit dhe kombëtares italiane Franco Baresi për të dytën herë nga vandalët. "E bujshme dhe e turpshme; kanë shpërfytyruar dhe vandalizuar sërish imazhin e kapitenit tonë, Franco Baresi" ka thënë Pellegatti në një postim në rrjetet sociale.

Pellegatti ka postuar një video të muralesit të dëmtuar, në të cilin shihet se ligja e Kampionëve të Evropës është e mbuluar me të zezë, ashtu si shiriti i kapitenit dhe logoja. "Isha këtu përpara selisë së Milanit -vijonte Pellegatti- e gjitha Kupa e Ligës së Kampioneve është e mbuluar me të zezë, ashtu sikurse shiriti i kapitenit dhe logoja. Turp!"

Një murales i tjetër i Franco Baresit ishte vandalizuar vetëm përpara pak javësh, dhe artisti Luca Rosada, i njohur si Lucas Street Art, ka thënë se do të kthehet për të rregulluar këtë në respekt të legjendës së Milanit. "Për fat të keq, ligësia nuk do të ketë kurrë fund, por për fat të mirë as unë nuk dorëzohem dhe do të kthehem të rregulloj këtë në respekt të Franco Baresit" ka thënë Rosada.