Parapagimi i tatim fitimit do zbatohen procedurat e mbledhjes me forcë

Projektligji “Për disa ndryshime dhe shtesa në ligjin nr. 9920, datë 19.5.2008, “Për procedurat tatimore në Republikën e Shqipërisë”, të ndryshuar” synon forcimin e kuadrit procedural dhe të masave administrative në funksion të përmbushjes së detyrimeve tatimore, rritjes së efektivitetit të administrimit tatimor dhe kufizimit të mundësive për mospërmbushje të detyrimeve të përcaktuara në legjislacionin tatimor.

Objektivat kryesore që synohen, sipas relacionit janë:

* Forcimi i përmbushjes së detyrimeve tatimore, përfshirë parapagimet; * Reduktimi i mundësive për mospërmbushje dhe abuzim me detyrimet për parapagimet; * Forcimi i zbatimit të kufizimeve ligjore për pagesat dhe arkëtimet me para në dorë; * Rritja e efektivitetit të kontrollit dhe verifikimit të situatës tatimore në procesin e regjistrimit; * Forcimi i respektimit të detyrimeve për paraqitjen në afat të dokumentacionit të transferimit të çmimit; * Rritja e qartësisë dhe sigurisë juridike në zbatimin e masave administrative.

Rënja e arkëtimeve nga tatimi fitimi nxiti tatimet të shtrëngojnë masat e mbledhjes së tyre

Të ardhurat nga tatimi fitimi gjatë këtij vitit kanë qenë në rënje të vazhdueshme. Sipas tabelave fiskale të Ministrisë së Financave, për 8 mujorin të ardhurat e tatimit fitimi arrinë në vlerën e 38,6 mld lekëve, duke shënuar rënje me 5% në raport me të njëjtën periudhë të vitit të mëparshëm, ndryshe nga tendenca e taksave të tjera, si TVSH që ishin me rritje, çka tregon për një xhiro të rritur të bizneseve.

Rikthimi i masave shtrënguese, bizneset nuk po fitojnë, apo nuk po paguajnë; Të ardhurat bien 5%. Në relacionin e financave pranohet se në kushtet e rënies së nivelit të pagesave të tyre, është e nevojshme të forcohen mekanizmat që mbështesin respektimin në kohë të këtij detyrimi.

Sipas relacionit, rënja lidhet me ndryshimet e bërë në vitin 2023, sipas të cilave mospagimi i këstevës të tatimit mbi fitimin korporativ dhe mbi të ardhurat personale, e cila trajtohet sipas Nenit 114/1 “Mospagimi në afat i këstevës paraprake të tatimit mbi fitimin korporativ dhe tatimit mbi të ardhurat personale”, parashikon se mospagimi i parapagimeve nga biznesi dhe vetëpunësimi, sipas legjislacionit në fuqi për tatimin mbi të ardhurat, denonohet me gjobë në masën 0,06 për qind të shumës së detyrimit të papaguar për çdo ditë gjatë së cilës pagesa nuk është kryer, por jo më shumë se 365 ditë kalendarike.

Ulja e masës administrative nga 10% në 0.06% ka përbehërë një ndër faktorët që kanë ndikuar në uljen e disiplinës së pagesës së parapagimeve nga tatimpaguesit.

Megjithatë, sqaron relacioni, për të mos rritur masën administrative, propozimi përcakton vetëm që parapagimi të jetë detyrim tatimor, duke mundësuar shlyerjen e parapagimeve në përputhje me afatet e pagesës së këstevës, sipas nenit 63 të ligjit për tatim mbi të ardhurat. Ky propozim shmang akumulimin e një vlerë të konsiderueshme detyrimi për t’u paguar në momentin e deklarimit dhe përcaktimit përfundimtar të detyrimit tatimor, brenda dites 31 mars të vitit pasardhës. Në këtë mënyrë, trajtimi i këstevës të papaguara si detyrim tatimor, pas maturimit të tyre, do të shërbejë si një mekanizëm për shpërndarjen në kohë të barrës së pagesës për tatimpaguesin, ndërkohë që do të mundësonte administratën tatimore ndërmarrjen në kohë të masave për mbledhjen e detyrimeve tatimore të papaguara.

Ky parashikim sjell që në rast të mospagesës, detyrimi i parapagimit do të trajtohet si një detyrim tatimor dhe do të mundësojë shlyerjen e parapagimeve në përputhje me afatet e pagesës së këstevës.