Taksa shtese 85 mln euro për bizneset; tatim fitimi bëhet 17%, dividendi rritet në 15%, nga 8% sot

Paketa e re fiskale parashikon një rritje të barrës tatimore për bizneset vitin e ardhshëm, përmes rritjes së tatimit të fitimit me 2 pike për qindje në 17%, me një efekt në buxhet 5 miliardë lekë shtesë dhe pothuajse dyfishimit të normës së tatimit mbi të ardhurat nga dividende në 15% me efekt 3 miliardë lekë.

Të dyja këto taksa do të rrisin barrën e bizneseve me rreth 8 miliardë lekë në vit, ose rreth 85 milionë euro, sipas burimeve zyrtare nga Ministria e Financave.

Tatimi i fitimit propozohet të rritet nga 15 në 17%.

Ndryshimet e propozuara në ligjin për tatimin mbi të ardhurat parashikohet rritja e normës standarde të tatimit mbi të ardhurat e korporatave nga 15% në 17%. Sipas relacionit që shoqëron projektligjin, ky ndryshim synon përshtatjen e politikës tatimore me objektivat afatmëse të politikës fiskale, duke kontribuar në një shpërndarje më të balancuar të barrës tatimore ndërmjet kapitalit dhe punës dhe në forcimin e qëndrueshmërisë fiskale.

Kjo ndërrimë legjislative, sipas relacionit mbështetet në argumentet e mëposhtme:

Tatimi mbi të ardhurat nga dividende bëhet 15%, nga 8% që është sot.

Një tjetër ndryshim që rrit barrën për bizneset lidhet me rishikimin e normës së tatimit mbi të ardhurat nga dividende, duke e rritur atë nga 8% në 15% në të tre dispozitat e ligjit nr. 29/2023 që rregullojnë taksimin e dividende.

Ky është artikull ekskluziv i Revistës Monitor, që gëzon të drejtën e autoritet sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.