SPAK dërgoi për gjykim 17 persona për trafik droge, ja kush janë të pandehurit

Prokuroria e Posaçme ka përfunduar hetimet dhe ka dërguar për gjykim 17 persona, të akuzuar për trafik ndërkombëtar të lëndëve narkotike dhe pjesëmarrje në një grup të strukturuar kriminal. Nga hetimet ka rezultuar se Emiljan Burba, Rexhep Rraja dhe Ervis Shuli dyshohet se kanë pasur rolin e drejtuesve dhe financuesve të veprimtarisë kriminale, ndërsa personat e tjerë dyshohet se kanë pasur rolin e pjesëmarrësve. Të pandehurit janë: Emiljan Burba, Rexhep Rraja, Ervis Shuli, Bujar Sefa, Marvin Bushati, Jani Çavo, Perparim Rraja, Gazmir Rraja, Sokol Qaja, Aldo Gjini, Bledar Cafi, Endrit Dokle, Zamir Aliaj Islam Sefa, Hajdar Sefa, Vidjan Baroka dhe Agim Nina. Ata akuzohen në varësi të rolit të dyshuar, për trafikim të lëndëve narkotike në bashkëpunim, në formën e grupit të strukturuar kriminal, si dhe për drejtimin ose pjesëmarrjen në këtë grup.