Frontex do të ketë mundësi për të ndihmuar në kthimin e migrantëve jashtë BE-së

Komisioni Evropian ka propozuar zgjerimin e kompetencave dhe rritjen e personelit të Frontex-it, agjencia evropiane për menaxhimin e kufijve, duke i dhënë një rol më të madh në proceset e kthimit të migrantëve të parregullt. Propozimi parashikon që Frontex të ketë mundësi të ndihmojë në kthimin e migrantëve nga një vend i tretë në një tjetër, duke zgjeruar kështu veprimtarinë e agjencisë edhe përtej kufijve të Bashkimit Evropian.

Sipas planit të paraqitur nga Komisioni Evropian, trupa e përleshme e Frontex-it do të zgjerohet gradualisht deri në 30 mijë oficerë. Gjithashtu, parashikohet krijimi i një force reagimi të shpejtë, e cila do të mund të angazhohet brenda një kohë të shkurtër në situata emergjente. Nisma synon të forcojë kapacitetet e Bashkimit Evropian për menaxhimin e kufijve dhe përballimin e flukseve të medha migratore.

Mediat e huaja bëjnë me dije se, një nga situatat e përmendura në këtë kontekst është ajo në Ceuta, enklaven spanjolle në Afrikën e Veriut, ku në maj të vitit 2021 mijëra migrantë kaluan kufirin nga Maroku drejt territorit spanjoll. Zgjerimi i kompetencave të Frontex-it pretë të jetë pjesë e përpjekjeve të BE-së për të forcuar politikën e migracionit dhe për të përmirësuar bashkëpunimin me vendet jashtë Unionit.