Javë e tmerrshme për Yamal: dy humbje dhe një zhgënjim

Lamine Yamal po kalon një javë të vështirë, e cila ka kulmuar me dy humbje në fushën e lojës dhe një zhgënjim në ceremoninë e “Topit të Artë”. Seria negative nisi në Champions League, ku Barcelona u mposht me rezultatin 4-2 nga PSG, në një sfidë ku sulmuesi gjeti rrugën e rrjetës vetëm në fundin e takimit.

Më pas, 19-vjeçari nuk arriti të lërë gjurmë as në sfidën e radhës, ku skuadra e tij pësoi një tjetër humbje me shifrat 2-1 në “El Clasico” përballë Real Madrid.

Pavarësisht se fitoi La Liga-n dhe Kupën e Botës gjatë sezonit të kaluar, Yamal u rendit i treti në garën për “Topin e Artë”, pas fituesit Harry Kane dhe Kylian Mbappe. Ky klasifikim solli zhgënjim te presidenti Joan Laporta, i cili deklaroi se sulmuesi e meritonte trofeun kryesor, ndërsa trajneri i Spanjës, Luis de la Fuente, theksoi se lojtari e ka të sigurt këto çmime në të ardhmen.

Gjithsesi, talenti i Barcelona-s nuk doli duarbosh nga kjo ceremoni, pasi fitoi për herë të tretë radhazi çmimin "Kopa" si futbollisti i ri më i mirë. Ndikimi i tij te skuadra katalana mbetet i lartë, duke u konfirmuar edhe nga statistikat e këtij sezoni ku ka regjistruar 10 gola dhe 10 asistime në 13 ndeshje.

Pas kësaj jave me rezultate negative, Yamal dhe Barcelona do të kërkojnë reagimin në ndeshjen e radhës në kampionat përballë Deportivo Alaves.