PD shpërfill ftesën e Begajt për konsultimin e datës së zgjedhjeve vendore 2027

Grupi Parlamentar i Partisë Demokratike ka reaguar lidhur me nisjen e konsultimeve nga Presidenti i Republikës, Bajram Begaj, për datën e zgjedhjeve vendore 2027. Kreu i grupit, Gazment Bardhi, ka deklaruar se ftesa e Begajt për partitë politike është tërësisht e shpërfillshme. Sipas Bardhit, Begaj ka zgjedhur të bëjë rolin e spektatorit ndaj zhvillimeve të fundit me protestat në vend dhe i shërben kryeministrit Edi Rama, duke zhvilluar konsultime për një datë që tani është paracaktuar nga kreu i qeverisë. "Bëja njohur me shkresën e Institucionit të Presidentit për thirrjen e konsultimeve lidhur me datën që Edi Rama ka paracaktuar për zgjedhjet e ardhshme vendore. E përbuz me neveri këtë teatër politik. Ftesa e Bajram Begajt është tërësisht e shpërfillshme dhe nuk meriton as koment. Për fat të keq, Shqipëria nuk ka një President të Republikës që përbush rolin e tij kushtetues, por një ministër pa portofol në shërbim të Edi Ramës. Shqiptarët janë në shesh për të kërkuar, ndër të tjera, garanci për zgjedhje të lira dhe të ndershme. Nëse Shqipëria do të kishte një President që e ushtron realisht funksionin e tij kushtetues, ai do ta trajtonte këto çështje si një emergjencë demokratike dhe do t'u përgjigjej me seriozitet shqetësimeve që prej muajsh po i nxjerrin qytetarët në shesh. Në vend që të heshtë përballë këtyre shqetësimeve, Presidenti duhet të ishte zeri i Kushtetutës, i demokracisë dhe i qytetarëve. Por, në vend që të përbushë këto detyrim, ai zgjedh të mbetet në rolin e një spektatori, duke i shërbyer pushtetit në vend që të mbrojë institucionin që përfaqëson", tha Gazment Bardhi në reagim.