Broja pritet të mësojë sa kohë do të jetë larg fushës, Burnley pranë firmës me personin që do ketë në dorë fatin e sulmuesit shqiptar
Armando Broja, sulmuesi shqiptar, është dëmtuar në një ndeshje kundër Lincoln dhe pritet të mësojë sa kohë do të qëndrojë jashtë fushës. Klubi Burnley ende nuk ka dhënë një njoftim zyrtar për shkallën e dëmtimit dhe kohën që mund të i duhet për të rikthyer atë në dispozicion.
Pasiguria për gjendjen fizike të Armando Brojës vazhdon. Sulmuesi shqiptar u detyrua të largohej nga fusha në minutat e para të ndeshjes kundër Lincoln, ndërsa Burnley ende nuk ka dhënë një njoftim zyrtar për shkallën e dëmtimit dhe kohën që mund të i duhet për të rikthyer atë në dispozicion.
Ish-trajneri Nicky Hayen, i cili u shkarkua pas ndeshjes, deklaroi se Broja kishte dëgjuar një "kerçitje në ije" në momentin e dëmtimit. Një deklarata që ngriti dyshime për një problem serioz, por që deri tani nuk është shoqëruar me një diagnozë mjekësore nga klubi anglez.
Ndërkohë që Broja pret të mësojë sa kohë do të qëndrojë jashtë fushave, Burnley po lëviz për të zgjidhur çështjen e trajnerit të ri. Sipas raportimeve të mediave angleze, zvicerani Fabio Celestini është kandidati kryesor për të zëvendësuar Hayen. Ish-futbollisti i Kombëtareve të Zvicrës raportohet se ka udhëtuar drejt Anglisë për të finalizuar marrëveshjen.
Celestini ka fituar dy tituj kampion me Basel, ndërsa provat e tij të tjera në stol, përfshirë ato me CSKA Moscow, nuk kanë sjellë të njëjtit rezultate. Për Burnley, ndryshimi i trajnerit vjen në një moment kur mbetet e paqartë edhe situata e sulmuesit shqiptar. Klubi duhet të sqarojë fillimisht shkallën e dëmtimit të Brojës, përpara se të percaktojë nëse trajneri i ri do të mund ta ketë në dispozicion.