Jasir Asani mund të rikthehet në Kombëtaren shqiptare

Jasir Asani mund të rikthehet në Kombëtaren shqiptare pas mungesës në grumbullimet e shtatorit dhe tetorit. Lajmi vjen nga mediat iraniane, të cilat raportojnë se sulmuesi i Esteghlal pritet të marrë një ftesë nga trajneri Maran për ndeshjet e muajit nëntor.

Asani po kalon një periudhë pozitive në kampionatin iranian. Vetëm pak ditë më parë, ai shënoi golin e skuadrës së tij në barazimin 1-1 ndaj Cadormalu, duke dhenë një tjetër sinjal për formën e tij sportive.

Por rikthimi i mundshëm i Asanit nuk lidhet vetëm me paraqitjet e tij në Iran. Në dy grumbullimet e fundit, Maran ka pasur pak alternativa të mirëfillta për krahun e djathtë të sulmit, një pozicion ku Asani ka luajtur më parë me fanellën kuqezi.

Në listat e shtatorit dhe tetorit, Sabah Kerjota ishte i vetmi futbollist me këtë profil, por trajneri italian nuk i dha asnjë minutë në fushë. Kjo situatë e rikthen Asanin në diskutim, duke pasur parasysh përvojën e tij me Kombëtaren dhe aftësinë për të krijuar raste dhe të goditur portën nga distanca.

Megjithatë, deri tani nuk ka asnjë konfirmim zyrtar nga Federata Shqiptare e Futbollit apo nga trajneri Maran. Informacioni mbështetet vetëm te raportimet e mediave iraniane.

Nëse trajneri italian vendos ta përfshijë në listën e nentorit, Asani do të ketë mundësinë të rifitojë vendin te kuqezinjtë pas dy grumbullimeve ku mbeti jashtë planeve të stafit teknik.