Arben Malaj kritikon Ramën: Protestat nuk pengojnë integrimin në BE

Ish-ministri i Financave, Arben Malaj, ka kritikuar kryeministrin Edi Rama, teksa shprehje të tij se protestat e studentëve dhe qytetarëve nuk janë pengesë për anësimin e Shqipërisë në Bashkimin Evropian.

Sipas tij, disa nga qëndrimet dhe argumentet që përdoren kundër protestuesve synojnë të dobesojnë levizjen e tyre dhe të shmanojnë vëmendjen nga kërkesat që kanë ngritur. Malaj theksoi se çdo qytetar ka të drejtë të protestojë, ndërsa u shpreh se brezat e rinj kanë ambicie dhe pritshmëri të larta për të ardhmen, si dhe kërkojnë kushte të mira jetese.

"Gjenerata Z është e vërtetë që ka pretendime të tjera. Patjetër, sepse një shoqëri ka gjithmonë ambicie më të madha sesa e kaluara e saj. Por, t'i paragjykosh pse protestojnë për një jetë më të mirë është e pabesueshme. Po përmendim teorinë që në 1997 ne e penguam Bashkimin Evropian. Por, procesi i Bashkimit Europian filloi pas samitit të Zagrebit dhe të Selanikut, në vitin 2003, dhe marrëveshja e pare e Stabilizim-Asocimit është firmosur nga qeveria jonë në 2003, ka përfunduar në 2005 dhe ka hyrë në fuqi në 2006, kur ka ardhur Partia Demokratike. Nuk janë protestat që e lenë Shqipërinë jashtë BE-së", deklaroi Malaj.

Ish-ministri kritikoi gjithashtu qëndrimin e kryeministrit Rama, i cili, sipas tij, e ka paraqitur veten si garant të anësimit të Shqipërisë në Bashkimin Evropian. Malaj shtoi se edhe vetë BE-ja e ka kundërshtuar në mënyrë diplomatike.

"Teoria që përdori Rama që vetëm me mua shkohet në BE, u atakua në mënyrë diplomatike nga vetë Bashkimin Europian", theksoi ai.

Duke u ndalur te protestat, ish-ministri tha se studentët dhe qytetarët kanë një kërkesë të qartë politike, dorëheqjen e kryeministrit, dhe se askush nuk duhet t'u mohojë të drejtën për ta kërkuar atë.

"Po ngrihen disa teza për ta denatyruar protestën. Protesta në thelb nuk kërkon të negociojë për karrigjen, është e qartë në kërkesën e tyre politike dhe kanë të drejtën e tyre ta kërkojnë: kërkojnë dorëheqjen e kryeministrit. Dhe kjo gjë duket më qartë në të gjitha gazetat ndërkombëtare. Rallëherë ndodh të jenë kaq të sinkronizuara komentet që bëjnë. Ato thonë: 'studentët kërkojnë dorëheqjen e kryeministrit për shkak të korrupsionit dhe për shkak të varfërisë'", u shpreh Malaj.

Ai kritikoi edhe pretendimet për ndikime të huaja në protesta, duke theksuar se institucionet shtetërore kanë përgjegjësinë të hetojnë çdo rast të mundshëm ndërhyrjeje, në vend që të fajësojnë të gjithë pjesëmarrësit.

"Tani, diku u tha për iranianët, diku për turqit, diku forcat e errëta. Pse, nuk e dimë ne se Shqipëria ka vende që nuk e duan zhvillimin e saj? Po është ky justifikim? Shteti, me të gjithë këto struktura, duhet të parandalojë, jo të justifikohet. Nëqoftëse ka infiltrime, gjeje, çoje në burg. Por të thuash se e gjithë protesta është e iniciuar nga ata që s'e duan Shqipërinë dhe po e demton Shqipërinë, nuk ka të bëjë thjesht me fuqinë e atyre, ka të bëjë me dëshminë e vendit", deklaroi ish-ministri.

Sipas Malajt, disa nga tezat që qarkullojnë për protestat janë të pabazuara dhe synojnë të ndikojnë negativisht te protestuesit. Ai shprehu bindjen se levizja do të vazhdojë, por theksoi nevojën që organizatorët të krijojnë një strukturë dhe një program të qartë politik.

"Kështu që, disa teza që hidhen për të vrarë shpirtërisht protestuesit janë tërësisht demagogjike dhe pa asnjë bazë logjike. Në këtë aspekt, unë mendoj që protesta do vazhdojë. Uroj që të organizohen sa më parë se se po vijnë zgjedhjet e pushtetit vendor që do të jenë një test. Duhet të kenë program politik, duhet të kenë ekip, duhet të kenë strategji derë më derë", theksoi ai.

Malaj vlerësoi pjesëmarrjen e qytetarëve në protesta, duke theksuar se mobilizimi i tyre ka ndryshuar perceptimin për reagimin qytetar në Shqipëri. Ai e lidhi zhvillimin e protestave edhe me mënyrën e komunikimit dhe qëndrimin e kryeministrit Rama.

"Por, është një fakt që protesta është e qartë në kërkesën e tyre politike dhe kanë të drejtën e tyre ta kërkojnë: kërkojnë dorëheqjen e kryeministrit. Dhe kjo gjë duket më qartë në të gjitha gazetat ndërkombëtare. Rallëherë ndodh të jenë kaq të sinkronizuara komentet që bëjnë. Ato thonë: 'studentët kërkojnë dorëheqjen e kryeministrit për shkak të korrupsionit dhe për shkak të varfërisë'", u shpreh Malaj.