"Prokurori ka material nga kamerat dhe arma" / Eksperti i kriminalistikës flet për plagosjen në sy të protestuesit

Eksperti i kriminalistikës, Ervin Karamuço, ka komentuar sot ngjarjen e plagosjes së protestuesit Erjon Vishkulli në sy me plumb gome gjatë një proteste të rinjve. Ai ka thënë se prokuroria ka material nga kamerat dhe arma dhe se organet hetimore dhe akuzës duhet të tregohen transparente për shkak të ndjeshmërisë publike.

"Sipas procedurave hetimore, prokurori i çështjes di se çfarë ka ndodhur, pasi zotëron material të grumbulluar nga kamerat dhe arma e sekuestruar," tha Karamuço në emisionin "Now" me Erla Mehillin.

"Transparencën nuk e kërkojmë para organave të hetimeve dhe akuzës. Prokurori i çështjes dhe ndoshta edhe ai i rrethit ose zëdhënësja e organit të akuzës, duhet të dilnin dhe të informonin publikun mbi veprimet dhe gjetjet aktuale, për sa kohë nuk cenojnë hetimet. Para se të sekuestonin kamerat dhe armët, prokurori e di se çfarë ka ndodhur. Ato që kanë ndodhur në Itali duhet të shërbejnë hetimit. Për shkak të ndjeshmërisë së lartë që ka kjo çështje, duhet të bëhen publike. Prokuroria e për detyrim. Urojmë të rikthehet shikimi," tha Karamuço.