Belinda Balluku paraqitet në SPAK, mbyllen hetimet për ish-zv.kryeministren

Ish-zv.kryeministrja Belinda Balluku është paraqitur në ambientet e Prokurorisë së Posaçme për të komunikuar përfundimin e hetimit. Ajo po hetohet për shkelje të dyshuara në tenderet e Tunelit të Llogarasë dhe të Unazës së Madhe. Mbi ish-zv.kryeministrën rëndojnë 5 akuza për 15 krime të kryera. Ajo është akuzuar për tenderin me vlerë 190 milionë euro për ndërtimin e tunelit të Llogarasë dhe për tenderin 20 milionë euro të lotit 4 të Unazës së Madhe të Tiranës. Për të dy tenderet, sipas SPAK, Balluku ka paracaktuar fituesin përmes mbikëqyrjes dhe ndërhyrjes gjatë gjithë procesit të zhvillimit të garës.