Rama sulmon protestuesit: "VIP-at nxitën të vjedhin banka"

Kryeministri Edi Rama ka rikthyer në qendër të komunikimit protestat e zhvilluara në Tiranë gjatë dy javëve të fundit, duke akuzuar protestuesit për gjuhë agresive dhe dhunë ndaj atyre që nuk ndajnë të njëjat qëndrime. Ai ka fajësuar edhe personazhet e njohur publik, të cilët i ka akuzuar për nxitjen e klimës së tensionit përmes deklaratave në media dhe rrjetet sociale.

Gjatë një komunikimi me qytetarët, kreu i qeverisë ka cilësuar të papranueshme atë që e përshkroi si agresion verbal dhe fizik të protestuesve, duke argumentuar se askush nuk mund të pretendojë të flasë në emër të popullit jashtë vullnetit të shprehur përmes votës.

Rama u ndal vetëm te gjuha e përdorur gjatë protestave, duke akuzuar një pjesë të pjesëmarrësve se kërkojnë t'u imponojnë të tjerëve qëndrimet e tyre dhe se nuk pranojnë mendimin ndryshe.

Ai përfshi në kritikat e tij edhe personazhe të njohura publike, të cilat, sipas tij, kanë ndikuar në përshtallëzimin e situatës përmes qëndrimeve të shprehura në ekranet televizive dhe në rrjetet sociale.

"Ama liria dhe e drejta e tyre, e atyre që duan të imponojnë mendjen, idetë, mbarojnë aty ku nis liria dhe e drejta e të tjerëve. Dhe mbi të gjitha jetët e tyre. Ky kufi e ndan bashkëjetimin demokratik nga totalitarizmi dhe xhungla ku ekziston frika", deklaroi Rama.

Kryeministri vijoi me një sulm drejtpërdrejtë ndaj asaj që e cilësoi si klimë urrejtjeje dhe agresiviteti, duke thënë se nuk arrin të kuptojë sulmet ndaj kujtdo që nuk i bashkohet protestuesve.

"E pyes veten shumë a është e mundur të mirekuptohet kjo furi dhune, sharjesh që gëlojnë ndaj kujtdo që nuk i bindet agresionit ndaj kësaj turme, që nuk i bën Hosana kësaj turme. Turma që pretendon të mbështetet pa kushte në kuturinë e saj antidemokratike, ku në fjalorin nuk ka asnjë fije respekti, norme mire sjelljeje, dialogu apo ballafaqimi", u shpreh ai.

Në fund të komunikimit, kreu i qeverisë u shpreh se kundërshtarët e tij politike kanë të drejtë ta kritikojnë, ta protestojnë dhe ta kërkojnë dorëheqjen e tij, por ka mbëngul se mandati i tij buron nga shumica që e ka votuar.

"Ata që urrejtja i pengon ta shikojnë Shqipërinë në transformim historik, me këtë shumicë qeverisëse dhe punën e shumicës derdhmuese, janë në të drejtën e tyre të kritikojnë, protestojnë, të kërkojnë dorëheqjen time. Janë deri në fund të detyrës sime në kontratë me shumicën e Shqipërisë", përfundoi Rama.