Rama flet për paketën e re fiskale: Ulëm normën e TVSH-së për ushqimet, rritem dividendin për bizneset dhe ulëm pragun e tatimit për pagat

Kryeministri Edi Rama tha sot në një mesazh për qytetarët se çfarë përfshin konkretisht paketa e re fiskale. Ai tha se drafti paraprak lidhet me normën e TVSH-së për produktet bazë ushqimore, normën e dividendit për bizneset, pragun e tatimit për pagën dhe xhiro vjetore.

Rama tha se elementi që po rishikohet në paketin fiskal 2027 është edhe ndryshimi i TVSH-së për hoteleritë, me përjashtim të agrobiznesve. "Programi buxhetor afatmesëm, ne kemi planifikuar një sërë masash ambicionze të politikave ekonomike dhe sociale. Ne duam më shumë biznese, më shumë kompani vendase dhe të huaja. Prandaj ne mbetemi partizanë të taksimit të mesëm. Lajmi i pari është se falë rritjes së ekonomisë dhe mundësive, jemi gati të hedhim një hap të shumëpritur, ulim normën e TVSH-së në 6% për produktet bazë ushqimore. Ne shtojmë në arkën e familjeve shqiptare 150 milionë euro në vit për ushqimin.

Rrisim me 1% normën standarde të TVSH, për të gjitha mallrat jashtë shportës (21%). Nuk do e rritim normen e tatimit mbi fitimin për biznesin do të mbetet 15%. Sot rrisim me normën më të lartë dividendin nga 8 në 15%, taksë më e ndershme për bizneset. Ulim barrën tatimore për 32 mijë tatimpagues. Rritet pragu i tatimit për pagën nga 200 mijë në 300 mijë lekë.

Vendosim pragun e tatimit 30% për pagat mbi 700 mijë lekë tregës në muaj. Ulim pragun e TVSH-së për çdo biznes me xhiro vjetore mbi 5 milionë lekë, pasi nuk mund të lejojmë që bizneset e vogla të shërbejnë si guacka për të medhenjtë. Rrisim TVSH-në në hoteleritë nga 6 në 10%, me përjashtim të agroturizmit. Ulim pragun e aplikimit të TVSH-së për çdo biznes me xhiro vjetore 5 milionë lekë, pasi nuk mund të lejojmë që bizneset e vogla të shërbejnë si guaska për bizneset e medha për t'u fshehur," tha Rama.