TENSIONE NË SELANIKA: PROTESTUESIT PËRPLASEN ME POLICINË
Protesta kundër aktivitetit të ish-deputetit të Agimit të Artë, Ilias Kasidiaris, u shoqërua me përplasje në qendër të qytetit Selanik. Protestuesit ngritën barrikada dhe hodhën gurë dhe sende të tjera drejt policisë, ndërsa policia përdorë lende kimike për të penguar lëvizjen e protestuesve.
Protesta kundër aktivitetit të Ilias Kasidiarisit, një figurë e njohur e djathtës ekstreme greke dhe ish-përfaqësues i Agimit të Artë, u zhvillua në qendër të Selanikut më 28 tetor. Protestuesit u mblodhën pranë statujës së Eleftherios Venizelosit për të kundërshtuar aktivitetin e parashikuar në një hotel të qytetit.
Policia kishte vendosur masa të forta sigurie dhe kishte rrethuar një pjesë të protestuesve, ndërsa në Selanik ishte në fuqi një vendim për ndalimin e tubimeve publike. Gjatë përplasjeve para, forcat e rendit përdorën lende kimike për të penguar lëvizjen e protestuesve.
Situata u përshkallëzua pas përfundimit të manifestimit, kur një grup protestuesish ngritën barrikada në rrugë dhe hodhën gurë dhe sende të tjera drejt policisë. Njesitë speciale ndërhynë me gaz lotsjellës dhe granata shurdhuese për të shpërndarë turmën. Pas ndërhynies, protestuesit u tërhoqën në rrugët përreth.
Protesta u zhvillua në kundërshtim të aktivitetit të Kasidiarisit, një figurë e njohur e djathtës ekstreme greke dhe ish-përfaqësues i Agimit të Artë, organizatë që drejtësia greke e ka shpallur kriminale. Përplasjet në qendër të Selanikut u dokumentuan në pamje filmike, të cilat tregojnë barrikadat, hedhjen e sendeve drejt policisë dhe ndërhynjen e forcave speciale për shpërndarjen e protestuesve.