Qeveria shpërbleu me gjoba dhe kufizimet për protestuesit

Qeveria shqiptare ka miratuar një akt normativ që jep Policisë shtetit kompetenca të reja për të kufizuar tubimet pranë institucioneve publike dhe për të urdhëruar largimin e individëve nga zona të caktuara. Kufizimet mund të vendosen për një periudhë deri në 72 orë dhe mund të rinovohen vetëm një herë. Gjobat për protestuesit janë dhjetëfishuar dhe mund të arrijnë deri në 500 mijë lekë për mosbindje ndaj urdhrave të policisë.

Një dispozitë tjetër e aktit normativ jep punonjësve të Policisë shtetit kompetencën për të urdhëruar largimin e një individi deri në 48 orë nga zona të caktuara, si stacionet dhe terminalet e transportit publik, portet, aeroportet, perimetrat përreth shkollave, spitaleve dhe objekteve të trashëgimisë kulturore.

Gjobat për protestuesit janë dhjetëfishuar dhe mund të arrijnë deri në 500 mijë lekë për mosbindje ndaj urdhrave të policisë. Pjesëmarrja në një tubim të ndaluar dhe mosbindja ndaj disa kategorive të urdhrave të policisë për shpërndarje do të ndëshkohen me gjoba nga 10 mijë deri në 100 mijë lekë. Në raste të tjera të mosbindjes ndaj urdhrit për ndërprerjen ose shpërndarjen e tubimit, gjoba mund të arrijë në 200 mijë lekë.

Policia do të kërkojë fshirjen e thirrjeve për dhunë në rrjetet sociale dhe mund të ndërmarrë masa të tjera në përputhje me legjislacionin në fuqi. Dispozita parashikon gjithashtu që, në rastet kur vlerësohet e nevojshme, policia t'i ofrojë personit mbështetje psikologjike apo trajtime të specializuara.