Vdekja e Italo Zannier, një nga mjeshtrat e fotografisë italiane

Italo Zannier, një nga emrat më të rëndësishëm të studimit të fotografisë në Itali, është ndarë nga jeta në moshën 94-vjeçare. Sipas revistes italiane Artribune, Zannier luajti një rol të rëndësishëm në zhvillimin e historisë së fotografisë si fushë e veçantë studimi, duke ndihur kërkimin shkencor, mësimdhënien dhe veprimtarinë artistike.

Ai lindi në vitin 1932 në Spilimbergo, në rajonin Friuli-Venezia Giulia. Në vitin 1955 ishte një nga themeluesit e Grupit Friulian për një Fotografi të Re, një nismë që ndikoi në zhvillimin e kulturës fotografike italiane.

Në vitin 1971, Zannier u bë pedagogu i parë në Itali që drejtoi një katedër të Historisë së Fotografisë. Ai dha mësim në institucione universitare në Venecia dhe Bolonja, duke kontribuuar në formimin e studiuesve të rinj të kësaj fushës.

Veprimtaria e tij nuk u kufizua vetëm në universitete. Përmes studimeve mbi territorin dhe dokumentimin fotografik, Zannier trajtoi fotografinë si burim për njohjen e historisë, shoqërisë dhe ndryshimeve kulturore.

Në vitin 1994, ai themeloi Qendrën e Kërkimit dhe Arkivimit të Fotografisë (CRAF), me synimin për të studuar, dokumentuar dhe ruajtur trashëgiminë fotografike.

Zannier u angazhua gjithashtu në organizimin dhe kurimin e ekspozitave ndërkombëtare, përfshirë veprimtari të lidhura me Bienalen e Venecias.

Me ndarjen e tij nga jeta, fotografia italiane humbet një prej studiuesve që kontribuuan në vendosjen e saj në programet akademike dhe në institucionet e kërkimit historik.