"Magjistari" i politikës izraelite: Netanyahu mbijeton në pushtet dhe mashtron me arabët

Benjamin Netanyahu, një figurë e njohur në politikën izraelite, vazhdon të mbetet në qendër të politikës izraelite, pavarësisht dështimit të rendë të sigurisë më 7 tetor 2023. Sulmi i Hamasit tronditi Izraelin dhe ekspozoi dështimet e rendë të sistemit të sigurisë. Kryeministri Netanyahu u gjend përballë një prej krizave më të mëdha të karrierës së tij politike.

Sipas rindërtimit të ngjarjeve të publikuar nga media izraelite dhe të raportuar nga gazetari Davide Frattini në Corriere della Sera, në orët e para të sulmit Netanyahu ishte i tronditur dhe e kishte të vështirë të reagonte ndaj përmases të katastrofës. Gjatë një bisede telefonike me presidentin e atëhershëm amerikan, Joe Biden, kryeministri izraelit e përshkroi sulmin si një kërcenim ekzistencial për shtetin hebre. Por, pas tronditjes fillestare, Netanyahu nisi të rimerrte kontrollin e komunikimit politik dhe të menyrës se si do të paraqiteshin ngjarjet e 7 tetorit.

Netanyahu kundërshton hetimin për dështimin e 7 tetorit, duke argumentuar se vendi ndodhet në luftë dhe se hetimi nuk duhet të pengojë përpjekjet ushtarake. Kjo qasje ka ushqyer kritikat e kundërshtarëve, të cilët kërkojnë të përcaktohet se kush mbajnë përgjegjësi për dështimet e inteligjencës dhe të strukturave të sigurisë që paraprinë sulmin.

Netanyahu ka ndërtuar profilin e tij politik mbi imazhin e një drejtuesi të fortë, të aftë për të garantuar sigurinë kombëtare. Ngjarjet e 7 tetorit e vunë në vështirësi këto pretendime, pasi sulmi zbuloi dështime serioze në sistemin që ai kishte premtuar se do ta mbrojë vendin.

Mbledhja e dokumenteve dhe përplesjet me drejtuesit e sigurisë Sipas raportimit të Corriere della Sera, në ditët e para pas sulmit, mbledhjet e Këshillit të Sigurisë u zhvilluan në qendrën e komandës nentokësore Kirya, selia ushtarake pranë Tel Avivit. Masat e sigurisë në këto takime thuhet se ishin të rrepta. Pjesëmarrësve u kontrolloheshin sendet personale dhe u kërkohej të dorëzonin telefonat cellulare. Mes tyre ishte edhe Herzi Halevi, i cili në atë kohë drejtonte Shtabin e Përgjithshëm të ushtrisë izraelite. Sipas rrethimit të publikuar, kontrollet shkaktuan zemërimin e gjeneralit.

Raportimi ngre dyshime se qëllimi i masave ishte të shmangej regjistrimi i diskutimeve dhe të kontrollohej dokumentacioni i krijuar gjatë mbledhjeve për zhvillimin e luftës.

Ronen Bar, ish-kreu i shërbimit të sigurisë së brendshme Shin Bet, e ka akuzuar Netanyahun, në kuadër të një padie për shpifje, se kishte zgjedhur të publikonte dokumente që mund ta shfajësonin kryeministrin, duke lënë jashtë materialet që mund të vijnë në vështirësi drejtuesit politikë. Këto akuza janë pjesë e një përplesjeje mbi përgjegjësitë për 7 tetorin. Ato nuk përbejnë, në vetvete, një konstatim gjyqësor se dokumentet janë manipuluar apo se kryeministri ka penguar një hetim.

Si arriti Netanyahu të ruajë mbështetjen politike? Pavarësisht kritikave dhe dështimit të rendë të sigurisë, Netanyahu ka arritur të ruajë një bazë të rendësishme mbështetjeje. Sipas analizës së Frattinit, Likudi i tij pësoi humbje, por mbeti forca kryesore politike në kampin e tij, ndërsa mbështetësit nuk e konsideruan kryeministrin përgjegjës drejtpërdrejt për dështimet që paraprinë sulmin. Një pjesë e elektoratit vazhdon ta shohë Netanyahun si figurën që mund të garantojë sigurinë e Izraelit, ndërsa ai vetë ka mbrojtur versionin se zhvillimet.