Politikë
TENSIONET NË KUVEND: PS Kërkon përjashtimin me 10 ditë të Berishës dhe 60 ditë për 6 deputetët e PD-së
Partia Socialiste ka bërë kërkesë për marrjen e masave disiplinore ndaj 7 deputetëve të Partisë Demokratike, pas seancës plenare të shoqëruar me tensione të larta.
Përjashtimi me 10 ditë për Sali Berishën dhe përjashtimi me 60 ditë për 6 deputetët e tjerë të opozitës është kërkuar nga Partia Socialiste. Kërkesa vjen pas situatës së tensionuar të krijuar në seancën plenare, ku deputetët e opozitës bllokuan foltoren, ndezën flakadanë dhe përdorën bilbila për të penguar zhvillimin normal të rendit të ditës. Kjo solli ndërprerjen e seancës dy herë radhazi për shkak të pamundësisë së vijimit të punimeve. Deputetët për të cilët kërkohet kjo masë janë: Xhelal Mziu, Bledi Himçi, Ivi Kaso, Bledion Nallbati, Albana Vokshi dhe Klodiana Çapja.