Tymi i dendur në periferi të Elbasanit, shkak i shqetësimeve për banorët

Një re e dendur tymi ka mbuluar pasditen e kësaj të enjte periferinë e Elbasanit, duke shkaktuar shqetësim te banorët, veçanërisht në zonën e Bradasheshit. Tymi dyshohet se është shkaktuar nga djegia e gomave dhe mbetjeve buzë lumit Shkumbin. Shtëllungat e tymit janë përhapur në një hapësirë të gjerë, ndërsa banorët raportojnë për një erë të rëndë dhe mbytëse. Situata ngre shqetësime për cilësinë e ajrit dhe ndikimin e mundshëm në shëndetin e banorëve.