Kryetarët socialist kërkojnë shpjegime për transferimin e Erion Veliaj
Kryetarët socialist të dy komisioneve parlamentare, Fatmir Xhafaj dhe Bledi Çuçi, kërkojnë të dinë pse Erion Veliaj u transferua me urgjencë nga paraburgimi i Durrësit në Fier.
Dy kryetarët socialist të këtyre dy komisioneve parlamentare kërkojnë të dinë nëse Drejtoria e Përgjithshme e Burgjeve kishte vënë në dijeni Ministrinë e Drejtësisë për urdhrin e vlerësuar prej tyre ai sekret shtetëror, të lëvizjes të Erion Veliajt. Po ashtu kërkojnë tu vihet në dispozicion praktika dokumentare e këtij procesi. Ky zhvillim i dy ligjvënësve socialist vjen pas një debati në mbledhjen e Grupit Parlamentar të PS ku Bledi Çuçi, kërkonte shpjegime nga Ministri Drejtësisë Toni Gogu për Erion Veliaj. “Ku e ke letrën e transferimit? Duhej ta kishe marrë para se të hyje. Nëse nuk e ke, jep dorëheqjen!” , mendohet të ketë thënë Çuçi ministrit gjatë mbledhjes. Ndërsa Toni Gogu ishte përgjigjur se pret ti vijë informacioni.