Qeveria po përgatit skemë të re fiskale për influencerët

Kryeministri Edi Rama ka paralajmëruar ngritjen e një sistemi të ri taksimi për ekonomia digjitale, duke filluar nga influencerët që gjenerojnë ardhura përmes ndjekësve dhe bashkëpunimeve tregtare, dhe duke vazhduar me aktivitetet e tregtisë online.

Rrjetet sociale nuk shërbejnë më vetëm si platforma komunikimi, por janë shndërruar në burim të ardhurash për individët dhe bizneset. Reklamimi i produkteve, promovimi i markave, bashkëpunimet me kompanitë dhe shitjet përmes platformave digjitale kanë krijuar një treg që zhvillon pjesërisht jashtë kanaleve tradicionale të tregtisë.

Në këtë kontekst, gjatë vitit 2025, administrata tatimore u bëri thirrje individëve që siguronin ardhura nga platformat digjitale të deklaronin ato në formularin e Deklaratës Individuale Vjetore të Ardhurave (DIVA). Kjo nismë shënonte një përpjekje për të identifikuar dhe formalizuar ardhurat nga ekonomia digjitale, ndërsa paralajmërimi i fundit i qeverisë për një sistem të ri taksimi për influencerët e rikthen në vëmendje këtë sektor dhe sfidat e kontrollit të tij fiskal.

Nuk është shumë e qartë nëse nisma e paralajmëruar do të sjellë një normë të re tatimore për influencerët apo do të përqafohet në forcimin e mekanizmave të deklarimit dhe mbledhjes së detyrimeve ekzistuese.

Sipas të dhënave të bërë publike nga Drejtoria e Përgjithshme e Tatimeve gjatë vitit 2025, verifikimet e kryera në bashkëpunim me bankat kishin evidentuar mbi 33 milionë euro të ardhura të gjeneruara nga individët përmes platformave digjitale, si Meta, Facebook, YouTube dhe Google. Megjithatë, kjo shifër nuk përfaqëson domosdoshmërisht përmasat reale të tregut, pasi një pjesë e ardhurave nga aktivitetet online mund të mbetet jashtë sistemit të deklarimit dhe kontrollit fiskal.

Në Shqipëri, bizneset e vogla në Shqipëri me xhiro bruto vjetor deri në 14 milionë lekë përfitojnë nga normat e favorshme tatimore dhe mbeten të mbrojtura me tatim-fitimi 0% deri më 31 dhjetor 2029. Por nuk është sqaruar nëse nisma e paralajmëruar do të ndryshojë trajtimin fiskal të krijuesve të përmblodhjes që aktualisht përfitojnë nga ky regjim. Nënkohë, është ulur pragu për hyrjen e bizneseve në TVSh në 5 milionë lekë me paketin e re fiskale 2027.

Një nga vështirësitë e tatimit të ekonomisë digjitale lidhet me mënyrën se si realizohen dhe dokumentohen ardhurat. Ndryshe nga aktivitetet tradicionale tregtare, bashkëpunimet e influencerëve mund të përfshijnë pagesa direkte nga kompanitë, ardhura nga platformat ndërkombëtare, komisione nga shitjet ose produkte dhe shërbime të ofruara në këmbim të promovimit. Veçanërisht, trajtimi i produkteve të marra në këmbim të reklamave ngre pyetje mbi mënyrën e vlerësimit dhe deklarimit të përfitimeve që nuk realizohen në para.

Një tjetër çështje lidhet me pagesat që vijnë nga platforma jashtë Shqipërisë, si dhe me trajtimin e ardhurave nga bashkëpunimet me kompanitë jashtë vendit. Kjo është një sfidë e madhe për qeverinë për të ruajtur kontrollin fiskal dhe të siguruar një sistem të barabartë për të gjithë qytetarët.