Pronari dhe drejtoresha e spitalit "Sante Plus" në Tiranë arrestohen në Maqedoni

Pronari i rrjetit spitalor "Sante Plus" Bilal Kara dhe ish-drejtoresha e spitalit Geriana Arapi janë arrestuar në Maqedoni, pasi ishin shpallur në kërkim në Shqipëri për abuzime të kryera në klinikën private "International Medicare", e cila u bllokua pasi dyshohet se nuk kishte raportuar fitime me vlerë 1 milion euro.

Gjatë kontrollit, policia zbuloi se kjo klinikë ofronte ilaçe të shkadhuara ose produkte të kontrabanduara, dhe pesë punonjës u gjetën të pasiguruar.

Arrestimi i Kara erdhi pas një aksioni të autoriteteve maqedonase si pjesë e një hetimi për dyshime për procedura të paligjshme që lidhen me operacionet në sy.

Gjatë operacionit, u godit një grup kriminal pjesë e të cilit ishin disa sh-zyrtarë dhe zyrtarë aktualë të Fondit të Sigurimeve Shëndetësore në Republikën e Maqedonisë.

Raportohet se u arrestuan gjithsej 11 persona, përfshirë ish-drejtorin e Fondit të Sigurimeve Shëndetësore, Den Donçev.