Ekonomia franceze në vështirësi: PBB-ja tkurret me 0.1%

Ekonomia franceze po përballet me shenja të reja të dobësimi, pasi Prodhimi i Brendshëm Bruto (PBB) u tkurr me 0.1% në tremujorin e tretë të vitit 2026. Situata rëndohet edhe nga ngërçi politik në vend, i cili po pengon miratimin e buxhetit të shtetit për vitin 2027.

Ministri francez i Ekonomisë, Roland Lescure, paralajmëroi për rrezikun e përkërselimisë së situatës ekonomike, duke theksuar se deshtimi për të konsoliduar financat publike mund ta vendosë vendin në një pozicion të vështirë.

"Nëse nuk arrijmë konsolidimin fiskal që kemi perfshirë në buxhet, do të gjendemi në një pozicion të vështirë", deklaroi ministri.

Të dhënat ekonomike tregojnë se ekonomia franceze nuk ka arritur të rikthehet në rritje të qëndrueshme. Pas një tkurrjeje prej 0.2% në tremujorin e parë, PBB-ja mbeti e pandryshuar në tremujorin e dytë, përpara se të regjistrojë një tjetër rënie në tremujorin e tretë. Parashikimet për vitin 2027 janë gjithashtu shqetësuese, pasi rritja ekonomike pritet të mos kalojë 0.5%.

Një nga faktorët kryesorë që ndikoi në rënien ekonomike ishte dobësimi i eksporteve, të cilat u ulën me 1.7%, pas rritjes prej 2.8% në tremujorin paraardhës. Ndërkohë, konsumi familjar shënoi një rritje prej 0.4%, i mbështetur nga blerjet e automjeteve elektrike, shërbimet e akomodimit dhe restorantet, si dhe aktivitetet e kohës së lirë. Investimet vijuan të bien me 0.6%, duke reflektuar dobësimin e sektorit të ndërtimit dhe të investimeve në mallrat e prodhuara. Edhe industria regjistroi një ecuri negative, me prodhimin industrial që u tkurr me 1.4%. Rënja ishte veçanërisht e dukshme në sektorin e pajisjeve të transportit, me 3.5%, dhe në industrinë ushqimore, me 1.5%.

Ndërtimi shënoi gjithashtu një rënje prej 0.4%. Në kundërt, sektori i shërbimeve vijoi të zgjerohej me 0.3%, duke ofruar një kontribut pozitiv në aktivitetin ekonomik. Përtej treguesve ekonomikë, Franca po përballet edhe me një ngërçi politik në Asamblenë Kombëtare, ku mungesa e një shumice parlamentare po vështirëson miratimin e buxhetit për vitin 2027. Kjo situatë shton pasigurinë për financat publike dhe perspektivën ekonomike të vendit.