Beqaj u paraqit pa avokat në GJKKO, shtyhet sërish gjyqi i ish-ministrit të Shëndetësisë

Ish-ministri i Shëndetësisë, Ilir Beqaj, u paraqit ditën e sotme në GJKKO pa avokat, pasi kishte seancën paraprake të dosjes së SASPAK. Gazetarja Anila Hoxha e pyeti Beqajnë nëse ishte me avokat apo jo, dhe ai u shpreh se "avokati ishte dje". Kur Hoxha e pyeti nëse mungesa e avokatit ka lidhje me bojkotin, Beqaj tha se nuk e di. Ai thotë se ka pasur një mbledhje, por nuk di çfarë ka ndodhur. Beqaj u shpreh se sot ishte në lidhje me dosjen SASPAK. Ish-ministri Beqaj akuzohet se ka abuzuar me fondet e BE-së gjatë kohës që drejtonte agjencinë SASPAK.