Bordi i Transparencës rrit çmimin e naftës

Bordi i Transparencës ka vendosur sot të rrisë çmimin e naftës me 6 lekë, duke e çuar në 218 lekë për litër, nga 212 lekë që ishte një ditë më parë. Ndërkohë, benzina ka ulur me 2 lekë për litër, duke zbritur nga 181 në 179 lekë.

Sipas vendimit të Bordit, çmimi maksimal i shitjes me shumicë të naftës do të jetë 206 lekë për litër, ndërsa ai i benzinës 167 lekë për litër. Diferenca mes çmimit të shumicës dhe atij të pakicës mbetet 12 lekë për litër për të dy karburantet.

Çmimet e reja hyjnë në fuqi sot, në orën 15:00, dhe do të zbatohen deri në mbledhjen e ardhshme të Bordit të Transparencës. Bordi ka paralajmëruar operatorët e tregtimit të karburanteve se duhet të respektojnë çmimet tavan. Në rast shkeljeje, autoritetet do të vendosin pezullimin e aktivitetit.

Vendimi i sotëm e rikthen naftën në një nivel më të lartë çmimi, vetëm një ditë pas vendimit të mëparshëm, kur Bordi kishte percaktuar çmimin 212 lekë për litër.