Meta, TikTok dhe X humbasin betejën ligjore në Britani

Gjigantët e rrjetave sociale Meta, TikTok dhe X kanë humbur një betejë ligjore kundër autoritetit rregullator britanik Ofcom, lidhur me kërkesat për dorëzimin e të dhënave mbi sigurinë në internet dhe moderimin e përmbajtjeve në platformat e tyre.

Vendimi i Gjykatës së Lartë në Londër përbën një nga provat e para të rëndësishme për zbatimin e ligjit britanik për sigurinë në internet, Online Safety Act, të miratuar në vitin 2023.

Legjislacioni vendos standarde të rëpta për platformat digjitale, përfshirë TikTok, X, Facebook dhe Instagram, me synimin për të mbrojtur përdoruesit, veçanërisht fëmijët, nga përmbajtjet e paligjshme dhe të dëmshme.

Vendimi konsiderohet një fitore e rëndësishme për Ofcom, i cili po përpiqet të zbatojë gradualisht kuadrin e ri rregullator për kompanitë e teknologjisë.

Megjithatë, një tjetër vendim gjyqësor, potencialisht më i rëndësishëm, pritet në lidhje me një çështje të vërtetuar nga Meta. Kompania kundërshton mënyrën se si Ofcom përllogarit tarifat rregullatore dhe gjobat e mundshme.

Meta ka nisur gjithashtu një tjetër proces ligjor kundër klasifikimit të WhatsApp në kuadër të regjimit të ri të sigurisë në internet.

Ndërkohë, në fillim të tetorit, Meta u bë objekt i hetimit të parë zyrtar të Ofcom sipas ligjit të ri.

Përfaqësuesit e Meta dhe X nuk iu përgjigjën menjëherë kërkesave për koment. TikTok deklaroi se po shqyrton vendimin e gjykatës, pa dhënë hollësi të tjera.

Në shkurt të këtij viti, Ofcom u dërgoi Meta, TikTok dhe X kërkesa zyrtare për informacion të detajuar mbi mënyrën se si platformat kontrollojnë dhe kufizojnë përmbajtjet e publikuara nga përdoruesit.

Autoriteti kërkoi, ndër të tjera, statistika mbi numrin e postimeve të fshira, përmbajtjet e cilave u ishin kufizuar shfaqja dhe numrin e përdoruesve që kanë qenë të ekspozuar ndaj materialeve të dëmshme.

Këto të dhëna konsiderohen të rëndësishme për të vlerësuar nëse platformat po përbushin detyrimet e reja ligjore dhe nëse masat e tyre të sigurisë janë efektive.

Por tri kompanitë argumentuan se kërkesat e Ofcom krijonin një barrë rregullatore të paprecedentë dhe joproporcionale.

X pretendoi se kërkesa për informacion ishte më e rënda që kishte marrë ndonjëherë nga një autoritet rregullator dhe se përbushja e saj do të kushtonte miliona paund.

Gjykata e Lartë në Londër i hodhi poshtë argumentet e kompanive, duke mos pranuar pretendimin se kërkesat për informacion ishin joproporcionale.

Ligji britanik për sigurinë në internet parashikon masa të ashpra financiare ndaj kompanive që nuk përbushin detyrimet e paracaktuara.

Për shkeljet më serioze, gjobat mund të arrijnë deri në 10% të xhiros globale të kompanisë, duke krijuar një rrezik të konsiderueshëm financiar për platformat më të madhe të teknologjisë.

Ofcom ka nisur zbatimin gradual të legjislacionit, ndërsa mbledhja e informacionit nga kompanitë përbën një pjesë thelbësore të procesit të mbikëqyrjes.

Pas vendimit të gjykatës, një zëdhënësi i Ofcom përshëndeti rezultatin, duke theksuar se sigurimi i të dhënave nga kompanitë është thelbësor për përgjegjësinë e autoritetit.

Vendimi i së premtes forcon kompetencat e rregullatorit britanik për të kërkuar transparencë nga platformat digjitale, në një periudhë kur siguria e fëmijëve në internet dhe përgjegjësia e rrjetave sociale janë kthyer në çështje qendrore të debatit rregullator.

Ai gjithashtu krijon një precedent të rëndësishëm për zbatimin e ligjit, ndërsa vijojnë mosmarrëveshjet tjera gjyqësore mes autoriteteve britanike dhe kompanive të mëdha të teknologjisë.