GJKKO lë në fuqi masën e sigurisë për Ardit Gjokrosën

Gjykata e Posaçme ka lënë në fuqi masën e sigurisë për Ardit Gjokrosën, i cili është akuzuar për disa vepra penale, përfshirë sigurimin e kushteve dhe i mjeteve materiale për të kryer vrasjen e shtetasit Hamza Terziu.

Gjokrosa është akuzuar për veprat penale "Sigurimi i kushteve dhe i mjeteve materiale për të kryer vrasje", "Grup i strukturuar kriminal" dhe "Kryerja e veprave penale nga organizata kriminale dhe grupi i strukturuar kriminal".

Gjykata e Posaçme ka vendosur vazhdimin e zbatimit të masës së sigurimit personal me karakter shtrëngues "Arrest në burg" për Gjokrosën, i cili duhet të qëndrojë në dispozicion të organit procedues.

Vendimi është marë nga gjyqtari i posaçëm Erjon Çela.