Lothar Matthäus: Bayern mund ta përballojë mungesën e Vincent Kompany

Lothar Matthäus, legjenda e futbollit gjerman, beson se Bayern Munich mund ta përballojë mungesën e trajnerit Vincent Kompany, edhe nëse tekniku belg do të qëndrojë për disa javë larg skuadrës për shkak të problemeve shëndetësore.

Matthäus ka deklaruar se lojtarët e Bayern-it janë të mjaftueshëm liderë dhe futbollistë me përvojë, të cilët mund ta mbajnë ekipin në rrugën e duhur edhe pa praninë e trajnerit në pankinë. "Sigurisht, mund të dalësh pa të për dy ose tre javë, sepse njerëzit e duhur janë në vendet e duhur. Lojtarët do të zgjidhin vetë gjërat", ka thënë Matthäus në një intervistë, para supersfida me Borussia Dortmundin.

Matthäus ka përmendur disa prej emrave kryesorë të skuadrës, si Manuel Neuer, Joshua Kimmich, Harry Kane dhe Dayot Upamecano, duke theksuar se ata kanë cilësitë dhe përvojën e nevojshme për të marrë përgjegjësi. "Ata e dinë çfarë duhet të bëjnë. Edhe lojtarët e tjerë nuk janë më fëmijë kopshti, por profesionistë të konsoliduar. Në fund të fundit, shefi nuk është aty, por ata do të dalin edhe pa të, sepse dëshironë suksesin për veten e tyre. Janë jashtëzakonisht të uritur për fitore, për lojën dhe për emocionet që sjell përballa me kundërshtarët", ka deklaruar legjenda gjermane.

Megjithatë, Matthäus ka theksuar se për momentin prioriteti duhet të jetë shëndeti i Kompany-t, i cili duhet të marrë gjithë kohën e nevojshme për të u rikuperuar plotësisht. "Prandaj, duhet ta lënë Kompany-n të marrë kohën e nevojshme për të u rikuperuar plotësisht. Më pas, ai do të jetë po aq i rëndësishëm sa më parë", ka shtoi ai.

Trajneri i Bayern Munich ka përjetuar një kolaps javën e kaluar, ndërsa po ndiqte një seancë stërvitore të ekipit rezervë. Më pas u bë e ditur se ai vuante nga meningjiti, ndërsa klubi gjerman reagoi menjëherë, duke vendosur shëndetin e tij mbi çdo objektiv sportiv.

Lajmi i mirë është se 40-vjeçari tashmë është larguar nga spitali dhe do të vazhdojë rikuperimin në shtëpi. "Besoj se ky është lajmi më i mirë dhe më i rëndësishëm për të gjithë ne", ka deklaruar drejtori sportiv i Bayern-it, Max Eberl.

Ai ka konfirmuar gjithashtu se Kompany-t i është dhënë leja të kthehet në shtëpi, ku do të vijojë trajtimin dhe pushimin. "Tani është dhënë leja të kthehet në shtëpi dhe mund të vazhdojë rikuperimin atje. Për të, rikuperimi nënkupton pushim dhe marrjen e medikamenteve. Jam shumë i bindur se shpejti do të jetë sërish në gjendje optimale", ka thënë Eberl.

Në mungesë të trajnerit belg, drejtimin e skuadrës e ka marë ndihmëstrajneri Aron Danks, i cili e zëvendësoi edhe në përballjen e Kupës së Gjermanisë ndaj Magdeburgut.

Për këtë situatë ka foli edhe Matthäus, duke theksuar se mungesa e një trajneri duhet trajtuar si ajo e një futbollisti. "Sigurisht, ai është dikush që qëndron pranë skuadrës çdo ditë. Kur një lojtar sëmurët dhe mungon, duhet të zëvendësohet. Me trajnerin kjo nuk ndodh aq shpesh, por, për fat të keq, këtu ndodhi", ka përfunduar Matthäus.