Juventus po shqyrton katër kandidatë për stolin e klubit

Skuadra e Juventus-it ndodhet në grumbullim përpara sfidas me Napoli-n, ndërsa "La Gazzetta dello Sport" ka publikuar një listë me katër kandidatë të mundshëm për pankinën bardheze. Dëshira kryesore e tifozëve mbetet rikthimi i Antonio Conte-s, megjithëse ky operacion pengohet nga kërkesat e larta financiare, kufizimet e UEFA-s dhe paga prej 5 milionë eurosh që klubi i detyrohet Spalletti-t deri në vitin 2028.

Një tjetër emër në listë është Didier Deschamps, i cili mbylli aventurën me kombëtaren e Francës në verë dhe njeh mirë ambientin, por penalizohet nga fakti që nuk drejton një klub prej 14 vitesh. Për një zëvendësim të menjëhershëm po vlerësohet edhe Stefano Pioli, i cili është i gatshëm të rikthehet pas përvojës së fundit me Fiorentina-n dhe ka treguar sukses në marrjen e drejtimin e skuadrave në mes të sezonit.

Alternativa e katërt është Simone Inzaghi, por ai mund të konsiderohet vetëm për sezonin e ardhshëm pas përfundimit të kontratës me Al-Hilal në Arabi Saudite. Ndeshjet e ardhshme do të jenë vendimtare për Spalletti-n, i cili duhet të kthejë menjëherë skuadrën te rezultatet pozitive për të shmangur një ndryshim të mundshëm në drejtim.