Tirana në alarm nga vendimi i Displinës, FSHF i jep 30 ditë afat; “skenari” mund të shkojë deri në ekstrem për bardheblutë

Klubi i Tiranës është përbaltë me një çështje shqetësuese jashtë fushës së lojës. Komisioni i Disiplinës dhe Etikës në FSHF ka pranuar kërkesën e mesfushorit Qëndrim Ismajli, duke e shpallur klubin bardheblu përgjegjës për moszbatimin e një vendimi të mëparshëm të Dhomes Kombëtare të Zgjidhjes së Mosmarrëveshjeve.

Në vendimin zyrtar të Disiplinës thuhet: “Pranimin e kërkesës së kërkuesit Qëndrim Ismajli. Klubi i Futbollit Tirana, për deshtim në ekzekutimin e vendimit nr. 8, datë 02.04.2026, të Dhomes Kombëtare të Zgjidhjes së Mosmarrëveshjeve, në bazë të nenit 29/1/b të KDE, Klubit të Futbollit Tirana i jepet një afat paralajmërues prej 30 (tridhjetë) ditësh për të ekzekutuar vendimin”.

Kështu, Tirana ka një muaj kohë për të zgjidhur çështjen financiare me Qëndrim Ismajlin, në tjetër rast situata mund të marrë një kthesë edhe më të rendë për bardheblutë, me pasoja të drejtpërdrejta në garën për mbijetesë në Superiore.