"Shqipëria nuk është e askujt për tu marrë peng" / Berisha: U përket shqiptarëve, që sot ngrihen për të ardhmen e saj

Kryetari i Partisë Demokratike, Sali Berisha, ka publikuar një spot në lidhje me protestet kombëtare të thirrur para Kryeministrit. Në spotin e tij, Berisha përmend vargjet e poezisë patriotike të poetit të madh kombëtar, Pashko Vasa, të shkruar rreth viteve 1878-1880, në periudhën e Lidhjes Shqiptare të Prizrenit. "Shqipëria nuk është e askujt për tu marrë peng! Ajo u përket shqiptarëve që sot ngrihen për të ardhmen e saj!", shkruan Berisha në Facebook. Partia e Lirisë Tiranë ka bërë thirrje anëtarëve, mbështetësve dhe qytetarëve që të marrin pjesë në protestat kombëtare.