Berisha: PD mbështet protestat studentore, por nuk është organizatorja

Lideri i opozitës, Sali Berisha, ka deklaruar se Partia Demokratike mbështet protestat studentore, por se nuk është organizatori i tyre. Ai ka akuzuar kryeministrin Edi Rama për reagim të ashpër ndaj protestuesve dhe ka theksuar se ndërhyrja kundër tyre synonte të shuante revoltën që në ditën e parë.

Berisha ka thënë se protesta studentore u thirr nga Sindikata e Universiteteve dhe se thirrjes iu përgjigj edhe Forumi Rinor i Partisë Demokratike, përmes strukturave të tyre në universitete. Ai ka theksuar se strukturat e Partisë Demokratike iu përgjigjën thirrjes për protestë dhe se nuk janë organizatorët e protestës.

"Partia Demokratike është në protestë që në datën 1 qershor, por dua të sqaroj një gjë. Vera që kaloi u karakterizua nga protesta më e madhe qytetare në historinë e vendit. Në këto rrethana, partia e protestës, nëna e protestës në Shqipëri, u përshtat dhe respektoi karakterin qytetar. Mori pjesë me qindra mijëra anëtarë të PD-së çdo natë, pa simbolet e saj. Vendosi të respektonte frymën dhe karakterin qytetar. Sa i përket protestës së studentëve, po përqësohen shumë për autoritet, por e vërteta është se protesta u thirr nga Sindikata e Universiteteve, më 13 tetor, te Ministrisë së Arsimit. Analizat e rreme janë të neveritshme," tha Berisha.