Rrjeti kriminal në Pejë që pengoi zbatimin e vendimit të gjykatës për Arlindën Zekaj

Gazetari Vullnet Krasniqi ka folur në "Review" lidhur me rastin tragjik të Arlindës Zekajt, e cila u vra nga kunati i saj, pavarësisht se kishte kërkuar vazhdimisht mbrojtje nga organet kompetente.

Rasti ka nxitur një revoltë të re qytetare në Kosovë, e cila nuk është përfshirë nga ndikimet politike deri më tani. Krasniqi ka thënë se viktimja kishte dokumentuar çdo hap të kërkuar ndihmë, duke iu drejtuar institucioneve komunale, policisë, prokurorisë dhe gjykatës, por askush nuk arriti ta mbronte.

"Sidoqoftë, tashmë përgjegjësia është që të zbërthejë lidhjet mes personave dhe institucioneve në Pejë, të cilët, sipas tij, lejuan që një vendim gjyqësor të mos zbatohej dhe viktimja të përfundonte sërish në shtëpinë e autorit të krimit," tha Krasniqi.

Tani, në të gjitha këto dosje, unë kam lexuar dhe deshmitë që janë dhënë. Ajo e ka kuptuar shumë mirë çfarë shteti është duke u ballafaquar. E ka kuptuar shumë mirë çfarë njerëzish ka të bejë, i ka kuptuar dhe lidhjet. Detyren që ne na ka lënë është ne ta zbërthejmë, edhe si gazetarë, por dhe si shtet me të zbërthejmë këta, ky rrjet i njerëzve në Pejë që mund të bëhet të gjithë së bashku edhe mos me ja lënë një grua me zbatu një vendim që e ka dhënë gjykata. Kush janë ky rrjet kriminal që e çojnë viktimën tek shtëpia e vrasësit, që nuk e largojnë uzurpatorin prej asaj shtëpie? Kush janë ky rrjet kriminal që vendosen me zbatu Kanunin e traditës dhe nuk vendosen me zbatu detyren kryesore që e kanë ekzekutimin e vendimeve gjyqësore?

Këto pyetje sado provinciale që tingëllonin kjo është realiteti jonë. Qeveria e Kosovës, kryeministri Kurti duhet ta kuptojë këto mentalitet. Nuk është e lejueshme që neve të na paraqitet sistemi i drejtësisë si një sistem paralel, si një shtet paralel në të cilin ne s’paskemi asnjë lloj fuqie.

Gazetari theksoi gjithashtu se rasti ka nxitur një revoltë të re qytetare në Kosovë, e cila deri më tani nuk është përfshirë nga ndikimet politike. Ai i bëri thirrje kryeministrit Albin Kurti që të kuptojë realitetin me të cilin përballen gratë në vend dhe të garantojë sigurinë e tyre.

"Zoti Kurti duhet të ketë parasysh këto, ai nuk është kryeministër që do të shtrijë sovranitetin. Ai është kryeministri që ne ta ofrojë siguri, edhe grave me i ofrojë siguri të cilat nuk kanë mundësi. Arlinda Zekaj ka pasur të drejtën pronësie. Kujtoj që shumica e grave në Kosovë nuk kanë as pronësinë e shtëpisë së tyre. Ajo ka pasur vend pune, shumica e grave në Kosovë nuk i kanë asnjë vend pune. Ajo ka ditur çfarë të shkruajë. Ajo ka ditur çfarë është kryeprokurora. Në Kosovë, gratë shumica nga fshatrat nuk e dinë as prokurorin çfarë është, as inspektoriatin. Po ato ku të drejtohen? Kush i mbron? Është një pyetje që duhet ti përgjigjet Albin Kurti," tha ai.

Media që s’e dorëzon pavarësinë e saj, i paraprinë një qeverisje të ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.