Parashikimi i motit për shtunën e këtij javës
Vendi ynë pritet të ndikohet nga kushte atmosferike të paqëndrueshme, me vranësira mesatare deri te dendura, që do të alternohen me kthjellime.
Sipas parashikimit meteorologjik, që në orët e para të ditës priten reshje të herëpasershme shiu me intensitet të ulët në pjesën më të madhe të territorit. Në zonat malore, reshjet parashikohen të marrin formën e shtrëngatave afatshkurtra, të shoqëruara herë pas here me shkarkesa elektrike.
Sa u përket temperaturave, në Tiranë termometri do të luhatet nga 13 në 17°C, në Durrës nga 11 në 17°C, ndërsa në Shkodër nga 8 në 16°C. Në Elbasan temperaturat do të variojnë nga 12 në 18°C, në Berat nga 10 në 18°C dhe në Fier nga 12 në 19°C.
Më e freskët paraqitet situata në zonat verilindore dhe juglindore. Në Peshkopi temperaturat do të luhaten nga 5 në 13°C, në Kukës nga 8 në 12°C, ndërsa në Korçë nga 8 në 12°C.
Në zonat bregdetare, Vlorë do të regjistrojë temperatura nga 12 në 19°C, ndërsa Saranda nga 12 në 17°C.
Sa i përket erës, ajo pritet të fryjë nga verilindja dhe juglindja, me shpejtësi mesatare 5 m/s. Për gjatësia vijës bregdetare dhe në zonat luginore, shpejtësia e erës mund të arrijë deri në 10 m/s.
Ndërkohë, në det parashikohet valëzim i forçave 1 deri në 2 balle.