Shpërthimi në Elbasan shkatërroi një pallat banimi, një banor është vdekur dhe 8 të tjerë janë të plagosur

Një shpërthim i fuqishëm në një pallat banimi në Elbasan ka shkaktuar dëme të mëdha strukturore dhe një banor është vdekur. Nga pamjet dhe dëmet e shkaktuara në strukturën e ndërtesës, tre kate të pallatit janë bashkuar me njëri-tjetrin, duke bërë që ndërtesa të jetë e pabanueshme dhe të duhet të shembet.

Shpërthimi ka shkaktuar dëme të mëdha strukturore, duke e kthyer ndërtesën në një objekt të pasigurt për banim. Banorët janë evakuuar të gjithë nga godina, ndërsa vijojnë ndërhyrjet e strukturave të emergjencës. Nga ngjarja tragjike ka humbur jetën një 83-vjeçare, ndërsa 8 persona të tjerë, mes tyre një fëmijë, po marrin ndihmë mjekësore në Spitalin Rajonal të Elbasanit, sipas njoftimit të Ministrisë së Shëndetësisë.